بدايه الطريق لاختراق الدومينات (معلومات بسيطه)

Admin الخميس أبريل 24, 2008 12:55 am

بسم الله الرحمن الرحيم
(ان فتحنا لك فتحاً مبينا)
أخواني الكرام السلام عليكم ورحمه الله وبركاته بمناسبه أفتتاح منتديات هكر101قررت أن أضع بين أيديكم بعض المعلومات حتي تسهل لنا وتوضح لنا الرؤيه في هذا المجال أسأل الله لي ولكم التوفيق ....
(أولا) ما هو الدومين نيم أو بالأنجلش ماهو (Doumin name ) ؟؟؟
(ج) الدومين نيم زي ما هو واضح من اسمه هو أسم تشتريه من أجل أن يكون ملكك وتتخذه كعنوان لك من أجل الزائرين مثال بسيط( أذا أردت أفتتاح شركه يجب أن تشتر ي مكان ثم بعد ذلك تقوم بأختيار أسم لهذه الشركه وعلي أساس المكان تقوم بوضع عنوان شركتك مثلا ً ( 15 شارع الجوهرى) حتي يأتيك العملاء أو الزبائن هذا العنوان يعني في لغه الأنترنت ( http://www.0000.com ) فهذا عنوان موقعك الذي قمت بشرائه حتي يأتي لك الزوار لتصفح ما يحتويه الموقع أذا الدومين ما هو إلا عنوان
(ثانيا ) ثلاث أحرف نراهم كثيراً هي ( URL) ايه ده صحيح ؟؟؟؟
(ج) هجاوبك يا سيدي اليو أر ال ( url ) هو عباره عن أختصار لكل الكلمات ديه (Uniform Resource Locator ) طيب ايه يعني برده مش عرفنا يعني أيه أستني بس هاقولك انا بس حبيت أقولك علي جذور المعلومه علشان تبقي فاهم ومركز معايا بص يا سيدي ال(url) هو عباره عن عنوان لتحديد الصفحات الداخليه للموقع هديك مثال بسيط عليه اللي هو زي كده (httl:\\http://www./0000.com ) الخلاصه من كل الكلام اللي قولته ده معني (url) هو عباره رمز العنوان بتاع الموقع يارب تكون فهمتني هههه ان شاء الله تكون فهمت
(ثالثا) طيب حاجه مهمه كمان ايه هي الإستضافه ؟؟؟
(ج) بص يا أخي في الله الأستضافه هي عباره عن حجز مساحه علي جهاز معين أو سيرفر مخصص من أجل هذه الأغراض ويستطيع تزويدك بالخدمه ديه علشان أنت تستخدم المساحه ديه لأنشاء صفحات موقعك وتحميل الملفات علي المساحه ديه وده طبعاً بيتم أزاي أنك تختار أسم لهذه الأسم يعني تسمي المساحه ديه بأسم الدومين اللي أحنا أخترناه فوق اللي هو ( http://www.0000.com ) هتقولي انا مش فاهم برده هقولك يا باشا ولا يهمك تعالي معايا أنت لما تيجي تعمل ملف معين علي الجهاز بتاعك تمام يتعمل فايل وتحط ليه اسم علشان تعرف تميزه عن باقي الملفات وبتحط فيه مايحتويه الأسم مثلا (صور بتحط فيه صور أفلام بتحط فيه أفلام ) وهكذا...
(رابعا) طيب نفترض انا عايز أعمل أو أسجل أسم دومين أجيبه منين ؟؟؟
(ج) بص يا سيدي ده له مواقع كثيره ممكن تسجل وتشتري من عليها الدومين اللي أنت عايزه .
(خامسا) طيب أزاي بنختار أسم الدومين يعني أنا ممكن أعمل أي أسم يختر في بال يعني مثلاً ( فل .hacker.هكر فلسطين.www ) ????
(ج) بص يا أخي أنا هجاوبك علي سؤالك بس تعالي نعرف الأول يعني أيه (com) ويعني أيه (net) ويعني ايه ( org) ويعني ايه (‏edu ) وكمان يعني ايه ( هك ) اللي أنت كاتبها في الأخر ديه هههههههههه
(1) .com تعني أو أختصار لكلمه (Commercial ) ومعناها تجاري باللغه العربيه وعاده بتستخدم في أغراض تجاريه يعني من أجل الربح وأغراض شخصيه يعني تنفع لتقديم خدمات البيع والشراء وده مثال www.yahoo.com
(2) net تعني أو أختصار لكلمه ( network ) تعني شبكه وديه عاده بتستخدم لتزويد الخدمات
(3) org تعني أو أختصار لكلمه (Organization ) يعني منظمه أو هيئه حكوميه
(4) edu تعني (eduction ) يعني تعليمي وهي لتوفير الخدمات التعليميه وديه بتبقي مخصصه للجامعات والمراكز التعليميه
**** نيجي بقي للأسم اللي أنت بتقول عليه ( فل .hacker.هكر101.www ) هاقولك أيه يا عم اللي أنت كاتبه ده؟؟؟
أقول حاجه الدومين ده مش هينفع خالص طيب ليه ؟؟؟؟
هاقولك يا سيدي يسمع منك ربنا ياريت يبقي فيه دومينات بلغه أهل الجنه للأسف أخي الكريم لا يوجد أسماء دومينات بأي لغه غير اللاتينيه(الإنجليزيه) ولكن جاري العمل والمحاولات من أجل أدخال عده لغات أخري غير الإنجليزيه ،، طيب يعني ايه يعني انت بتتهرب من السؤال يعني ؟؟؟؟ خلاص أعتبرني كنت أقصدها كده (]www.haker101) ماشي يا أخي ربنا يبارك فيك لا يوجد غير (com\ net \org \edu ) طيب يعني انت كده برده هربت من السؤال خد ياسيدي أعتبرني قولت كده (www.haker101.com ) ماشي ايه بقي كلمه (فل ) ديه هقولك يا سيدي (فل) ديه اللي أنت كنت كاتبها فوق هي بدايه كلمه (هكر ) يعني حرفين يرمزوا إلي دوله معينه بس برده لازم يكون باللغه الأنجليزيه يبقي العنون الصحيح بتاع الدومين هيبيقي بالشكل ده( www.haker101.com.pl )
وبكده يكون خلصنا شرح بعض المعلومات في هذا المجال وأعلم أن الكثير من أخواني يعلمون كل هذا الكلام ولكن وددت أن أضعه بين أيديكم حتي يكون خط بدايه لهذا القسم ان شاء الله تعالي والله هو الموفق
(ما كان من توفيق فمن الله وحده وما كان من خطأ أو سهو أو نسيان فمن الشيطان )